Hanggang kailan, hanggang saan?
Dapat pa bang umasa at maghintay?
Bakit pa ba ginagawa?
Bakit hindi na lang tumigil?
Mahirap, masakit sa kalooban
Ngunit patuloy pa rin dumadaloy,
Iwasan man o kalimutan man
Pilit pa ring bumabalik, umaagos.
Umaasang balang araw ay magkikita
Magkakaharap o magkaka-usap man lang,
Malayo mang mangyari at imposible
May pananabik na masilayang muli.
Naghihirap man ang kalooban
Nagdurusa man sa pag-ibig,
Hindi sigurado o walang katiyakan
Mahalaga ay nagmamahal ng tunay...
No comments:
Post a Comment