Mahal Kita

 

Mahal kita

Mahal na mahal kita,

Mga katagang mahirap kalimutan

Mga katagang aking nakamtan.

Ngunit nagbago ka

Biglang-bigla nagpaalam ka,

Sabi mo mahal mo ako

Ako lang ang mahal na mahal mo.

Pero bakit biglang-bigla

Nagdesisyon ka na lang biglang-bigla,

Iniwan ako sa ere at mawala ang tayo

Ngunit sabi mo mahal na mahal mo pa rin ako.

Mahal?

Mahal na mahal?

Kung ganoon bakit mo ako sinasaktan?

Bakit mo ako pinahihirapan?

Ano ba ito isang laro?

Anong klaseng laro?

Papel, gunting, bato at puso?

Jock and poy ba ito?

Ang sakit lang kasi kasama ang puso

Kailangan bang kasama talaga ang puso?

Binato, ginunting at ibinalot mo sa papel

Ano na lang ang natira na maaaring pumapel?

Kung ang pusong inangkin mo minsan

Na sinabi mong minahal mo minsan,

Ngayon ay durog na at wasak na

At wala akong ibang masabi kundi sana... sana.

Sana hindi mo na lang ako minahal

Sana talaga hindi mo na lang ako minahal,

Para kahit magpaalam ka pa

Paulit-ulit na lumayo at mawala ka.

Itong sakit na nadarama ko ngayon

Itong paghihirap na nagpapatuloy hanggang ngayon,

Kailanman hindi ko mararamdaman

Kailanman hindi ko mararanasan.

 

Mahal kita

Mahal na mahal kita,

Mga katagang gustong-gusto kong kalimutan

Mga katagang sana hindi ko na lang nakamtan.

 

Jr.